შპს გარდაბნის თბოსადგური აცხადებს ვაკანსიას მთავარი იურისტის პოზიციაზე
თანამდებობის დასახელება: - მთავარი იურისტი
- დამსაქმებელი: - შპს „გარდაბნის თბოსადგური“ (მისამართი: - აღმაშენებლის ქ. 2ბ, გარდაბანი)
- ანაზღაურება: - დამოკიდებულია კანდიდატის კვალიფიკაციასა და გამოცდილებაზე (2200 - დან 4500 ლარამდე)
- აპლიკაციის წარმოდგენის ბოლო ვადა: 24. 01. 2020
პოზიციის ძირითადი ამოცანები:
- ხელშეკრულებების და სხვა სახის იურიდიული დოკუმენტაციის შედგენა და სამართლებრივი ექსპერტიზა;
- საზოგადოების საქმიანობის ფარგლებში სხვადასხვა სახელმწიფო და კერძო ორგანიზაციებთან და დაწესებულებებთან ურთიერთობა;
- საზოგადოების სახელით იურიდიულ და ფიზიკურ პირებთან გასამართ მოლაპარაკებებში მონაწილეობის მიღება;
- სასამართლოებში წარმომადგენლობა;
- საზოგადოების სამართლებრივ მხარდაჭერასთან დაკავშირებული სხვა ფუნქციები;
საკვალიფიკაციო მოთხოვნები:
- უმაღლესი განათლება - იურიდიული განათლება (მაგისტრის ხარისხი);
- სამოქალაქო სამართლის სპეციალიზაციით არანაკლებ 5 წლის მუშაობის გამოცდილება (სასურველია დაინტერესებულ პირს გააჩნდეს ასევე სახელმწიფო დაწესებულებაში მუშაობის გამოცდილება);
- საოფისე პროგრამების ცოდნა პროფესიონალურ დონეზე (MS Office პროგრამები);
- ენები: - ქართული და ინგლისური ენების სრულყოფილი ცოდნა, სასურველია რუსული ენის ცოდნა;
- სამოქალაქო და სამეწარმეო კანონმდებლობის ცოდნა;
- ადმინისტრაციული კანონმდებლობის ცოდნა;
- სახელმწიფო შესყიდვების კანონმდებლობის ცოდნა;
- ენერგეტიკის დარგის მარეგულირებელი კანონმდებლობის ცოდნა;
აუცილებელი უნარები:
- ლოგიკური და ანალიტიკური აზროვნების უნარი;
- გუნდურად მუშაობის უნარი;
- დისციპლინირებულობა;
- პასუხისმგებლებისა და ორგანიზებულობის მაღალი ხარისხი;
- პრობლემის იდენტიფიკაციის და მისი გადაჭრის უნარი;
- ინიციატივების გამოჩენის უნარი;
- რისკების შეფასების უნარი.
კონკურსში მონაწილეობის მსურველებმა, CV (Curriculum Vitae) უნდა წარმოადგინონ ქართულ ენაზე, შპს ,,გარდაბნის თბოსადგურის“ ელექტრონულ მისამართზე: vacancy@gardabanitpp.ge 2020 წლის 24 იანვრის სამუშაო დღის ბოლომდე.
კონკურსი ჩატარდება გასაუბრების ფორმით, შემდეგ მისამართზე: აღმაშენებლის ქ. 2ბ, გარდაბანი.
გასაუბრებაზე დაიშვებიან მხოლოდ ის კონკურსანტები, რომლებმაც აპლიკაციის მიხედვით გაიარეს შერჩევის ეტაპი და მიიღეს დადებითი შეფასება.
შენიშვნა:
- დაგვიანებით გადმოგზავნილი აპლიკაცია არ მიიღება და არ დაექვემდებარება განხილვას.
- გთხოვთ არ შემოიტანოთ აპლიკაცია, თუ თქვენი განათლება და კვალიფიკაცია არ აკმაყოფილებს ზემოთ მოცემულ საკვალიფიკაციო და საგანმანათლებო მოთხოვნებს.
თბილისიდან გარდაბანში და გარდაბნიდან თბილისში ტრანსპორტირებას უზრუნველყოფს კომპანია.